Մարտի 4-ին Կոնգրես հյուրանոցում մեկնարկեց «Սննդային ծագման հիվանդությունների ռիսկերի գնահատում»  թեմայով երկօրյա սեմինար: Սեմինարը նպատակ ուներ  ներկայացնելու «Ամերիա» կառավարման խորհրդատվական ծառայության և  շոտլանդական Food Control Consultants (FCC) հայտնի ընկերության կողմից իրականացրած սննդային ծագման հիվանդությունների մասին հաշվետվության արդյունքները:

Բացման խոսքով հանդես եկավ Ամերիա կառավարման խորհրդատվական ծառայության ղեկավար Տիգրան Ջրբաշյանը:  Բանախոսեցին ծրագրի իրականացման համար խորհրդատվական ծառայություններ մատուցած փորձագիտական թիմի ղեկավար Բոյկո Լիկովը, փորձագետներ  Օլաֆուր Վալսոնը և Ծովինար Մելքոմ-Մելքոմյանը:

Սեմինարը  կազմակերպվել էր «Հիվանդությունների վերահսկման կարողությունների հզորացում» ծրագրի շրջանակներում: